دبئی میں پیش انے والے اس واقعے نے پاکستانیوں کا سر شرم سے جھکا دیا

 

پاکستانیو: خدا کے لیے ہماری مدد کرو ، تمہارا ایک ہم وطن بھائی ہمیں لوٹ کر واپس بھاگ آیا ہے ۔۔۔ ایک انڈین میاں بیوی کی پاکستانی اداروں ، حکومت اور عوام سے اپیل ۔۔۔۔ ارون کمار نامی اس بھارتی شہری اور اسکی بیوی نے الزام لگایا ہے کہ محمد ندیم نامی یہ وزیرآباد یا شکر گڑھ کا رہائشی دبئی میں مقیم تھااور اسکے ارون کمار کے ساتھ اچھے مراسم تھے 6 ماہ قبل اس نے ارون کمار کو ایک کلب کھولنے کے لیے آمادہ کیا ۔ سبز باغ دکھائے کہ میں تمہارے ساتھ ہوں تم یہاں کلب کھولو کروڑوں کی آمدن ہو گی ، لالا جی جھانسے میں آگئے انکی بیوی نے اپنے کچھ زیور بیچے ، رشتہ داروں سے بھاری قرض لیا اور ڈیڑھ لاکھ درہم اکٹھے کرکے دبئی اپنے شوہر کو بھیجے کہ وہ کاروبار کریں ۔ ارون کمار نے ایک لاکھ 20 ہزار درہم محمد ندیم کے حوالے کردیے جو غالبا پاکستانی روپوں میں 93 لاکھ روپے بنتے ہیں ۔ محمد ندیم نے ہر قسم کی یقین دہائی کروائی مکمل تعاون کرنے کا کہا مگر رقم لیتے ہی یہ ٹال مٹول کرنے لگا کہ بس آج نہیں تو کل فلاں کام کرتے ہیں فلاں سودا کرتے ہیں وغیرہ ۔۔ ارون کمار پیسے دے چکے تھے اور وہ معاملہ صلح صفائی سے حل کرنا چاہتے تھے جبکہ وہ اور انکے اہل خانہ تو کلب کی کمائی اور اچھے دنوں کے خواب دیکھ چکے تھے ، بہرحال معاملہ کا ڈراپ سین یہ ہوا کہ پیسے لینے کے ایک ماہ بعد محمد ندیم ڈی پورٹ ہو کر واپس پاکستان آگیا اور اب یہ اپنے علاقے میں بڑا معزز بنتا پھرتا ہے ۔ ارون کمار اور اسکے بیوی نے محمد ندیم کے موبائل نمبر پر اس سے رابطہ کیا اس نے ہر بار معاملے کو ٹالا ، بس ایک دن رک جائیں کچھ گھنٹے رک جائیں فلاں بندے کے پاس جائیں میں نے اسے پیسے دے دیے ہیں وصول کر لیں ۔ ارون کمار کے پاس محمد ندیم کے حوالے سے تمام ثبوت موجود ہیں اسکے وائس میسجز بھی ہیں جو واضح طور پر اسکے جھوٹا اور فراڈیا ہونے کی گواہی دے رہے ہیں ۔ لیکن اس وقت ندیم ارون اور اسکی بیوی کو اپنے تمام نمبرز پر بلاک کر چکا ہے اور یہاں مختلف کبڈی میچوں میں مہمان خصوصی کے طور پر شرکت کرتا ہے اور مقامی سیاست میں بھی سامنے آرہا ہے ۔ جب کہ لوگ اسکے اصل روپ سے ناواقف ہیں ۔۔۔ ارون کمار نے پاکستانی حکومت اداروں اور عوام خاص طور پر وزیرآباد اور شکر گڑھ کے شہریوں سے درخواست کی ہے کہ انکی فیملی کی جمع پونجی کسی بھی طرح ندیم سے واپس لے کر انہیں دی جائے ورنہ مکمل دیوالیہ پن اس خاندان کا مقدر بن چکا ہے ۔۔۔ امید ہے متعلقہ ادارے ایک بھارتی میاں بیوی کی اس فریاد پر ضرور غور کریں گے اور فراڈیے و نوسرباز ندیم سے ناصرف ایک بھارتی جوڑے کا نقصان پورا کروائیں گے بلکہ بیرون ملک پاکستان کا نام بدنام کرنے پر اس شخص کو سخت سے سخت سزا بھی دی جائے گی ۔۔۔