نسیم شاہ کے گھر پر فائرنگ کیوں کی گئی؟ ممکنہ وجہ سامنے آگئی

 

لوئردیر: قومی فاسٹ بولر نسیم شاہ کے گھر پر فائرنگ کیوں کی گئی، پولیس نے تفصیل بتاتے ہوئے اس کی ممکنہ وجہ بھی آشکار کردی۔

پاکستانی کرکٹر نسیم شاہ کے حجرے پر فائرنگ کے واقعے کا مقدمہ درج کرلیا گیا ہے، پولیس نے بتایا کہ یہ واقعہ دہشت گردی کا نہیں ہے، یہ ممکنہ طور پر اراضی کے تنازع یا علاقائی عناد کا نتیجہ ہے۔

پولیس نے بتایا کہ شواہد اکھٹے کرلیے گئے ہیں، واقعے کی تفتیش ہر زاویے سے جاری ہے، ڈی پی او نے نسیم شاہ کے والد سے ملاقات میں ملزمان کی جلد گرفتاری کی یقین دہانی کرائی ہے۔

آپاکستان کرکٹ ٹیم کے فاسٹ بولر نسیم شاہ کے گھر پر نامعلوم افراد نے فائرنگ کی تھی، لوئر دیر میں واقع گھر پر فائرنگ کے بعد ملزمان فرار ہو گئے۔

پولیس نے نسیم شاہ کے والد کی مدعیت میں نامعلوم ملزمان کے خلاف مقدمہ درج کیا، پیسر کے والد نے پولیس کو بیان دیا کہ ان کی کسی سے کوئی دشمنی یا تنازع نہیں ہے۔

پولیس کا واقعہ کے حوالے سے کہنا ہے کہ فائرنگ کے وقت فاسٹ بولر نسیم شاہ گھر پر موجود نہیں تھے اور نہ اس واقعہ میں کوئی زخمی ہوا ہے۔