معصوم ابراہیم کی لاش مل گئی ظلم کی انتہا ہوگئی

کراچی(یکم دسمبر 2025): گلشن اقبال نیپا میں پیش آنے والے حادثے سے بڑھ کر سانحہ یہ ہوا کہ تین سال کے ابراہیم کے والدین کو اکلوتی اولاد کی تلاش کے لیے مشینری بھی خود لانا پڑی۔

کراچی کا ایک اور بچہ انتظامیہ کی مبینہ غفلت کا شکار ہوگیا، گلشن اقبال نیپا پل کے قریب اسٹور کے سامنے تین سالہ ابراہیم کے کھلے گٹر میں گرنے کا واقعہ پیش آیا ہے، رات گزر جانے کے باوجود بچے کو تلاش نہیں کیا جاسکا ہے۔

مین ہول میں گرنے والے بچے کے والدین نے اے آروائی نیوز سےگفتگو میں کہا کہ بچےکو تلاش کرنے میں ہماری مدد کی جائے، متعلقہ ادارے، میئر کراچی اور دیگر ہماری مدد کریں۔

والدہ نے کہا کہ میرا بچہ کس حال میں اور کہاں ہے ہمیں نہیں معلوم، شاہ فیصل سے نیپا چورنگی پر شاپنگ کرنے آئے تھے، بیٹا آنکھوں کے سامنے گٹر میں گرا، مین ہول پر ڈھکن نہیں تھا جبکہ اسٹور انتظامیہ نے لائٹ تک بند کر دی تھی۔

بچےنے والد نے مزید بتایا کہ انتظامیہ کی جانب سے مدد فراہم نہیں کی گئی، متعلقہ حکام کی جانب سے ہم سے کسی نے رابطہ نہیں کیا تھا۔